مش جوايا نفس الفرحه ... مش جوايا نفس الإحساس
الشعب يريد إسقاط النظام
ليه ماحستهاش !!!
مخضوضه جايز مش عارفه !!!
إيه هيحصل بكره ؟!!
سؤال واحد كان على لسان الكل اليومين اللى فاتوا
تحرير ولا رابعه ؟
طيب دلوقتى السؤال هيبقى إييييه ؟
ربنا يستر حقيقى خايفه جدا من اللى جاى
سامعه الدوشه والزغاريط والهيصه فى الشارع
سامعه الفرحه
وشايفه الأعلام بترفرف
ولأول مره أحس إن بلدنا الصغيره فاقت والثوره وصلتلها
أنا أصلى فى 25 يناير
كنت بقول عليها إننا بلد تبع دوله تانيه ماحناش من مصر
كنت بقول عليها إننا بلد تبع دوله تانيه ماحناش من مصر
من كتر الصمت المطبق عليها والله بجد
بس أنا جوايا مش عارف يحس بالفرحه بتاعت إنتصرنا زى يوم 25 يناير
فيه حاجه غلط
دا إحساسى
المهم يعنى
*اللهم ولّى علينا من يصلحنا .. ولا يفسد فيها
اللهم قوى عزيمتنا وأربط على قلوبنا
اللهم أحفظ دماء المسلمين جميعاً .. جميعاً .. جميعاً
إلهام عزت
في النهاية لا أحد يحكم في أرض الله إلا بأمر الله
ردحذفلعله خير
نسأل الله أن يحفظ هذا البلد من كل سوء
تقبلي مروري
Casper
لا أحد يحكم في أرض الله إلا بأمر الله
حذفبس كده
لا نملك سوى الدعاء والعمل
سعدت بمرورك كثيرا
كن بين حروفى دوما صديق
:) عشان فى حاجات غلط بتحصل و تخوف فعلاً
ردحذفحاسين ان فى حاجه غلط عشان فى حاجه غلط فعلاً
مش فى أيدنا إلا الدعاء و الثقه فى الله و أنه هيديلنا الأحسن إن شاء الله و ربنا يغفرلنا و ميكونش بيعاقبنا على سوء أخلاقنا
ربنا مش بيعمل لينا غير اللى فيه الخير
حذفحتى لو قصرنا فى حاجات كتير فى حياتنا ربنا رحيم
إحنا فعلا مش بنملك غير الدعاء والتضرع ومن قبلهم الثقه فى الله
سعيده بمرورك الى كلماتى
كونى دوما هنا