الـمـسـرحـيـه الـهـزلـيـه

المحكمه منصوبه

القاضى خبّط بشاكوشه سكّت كل الحضور

القاضى قال:

 نادى على القضيه الأولى 

 محكمه 

إتهزت كل الجدران والكراسى

.....  قضية الحب العلنى .....

 وبدأت الوشوش تبان فالقفص 

المتهم الأول .... هادى وديع جميل الصوره

 القاضى : إيه اللى وداك عندها ؟

المتهم :  الحب ملوش كبير يا سيدى هو اللى قال كلمته

 - ولما روحت عندها عملت ايه إعترف ؟ 

- أبدا والله كل اللى عملته إنى إتأملت فى عينها شويه وبس

 - تنكر إنك حدفتها بسهم صابها وإتأوهت ؟

- ياريت يا سيدى ما كنش دا بأه هو الحال 

 يعنى كان السهم معاك ولا ماكانش ؟

كـــــان

وكمان بتعترف إنه كان ...... !!

الحكم بعد المداوله
.................................................

القاضى
.
.
.

بعد المداوله والشد والجذب والسؤال والجواب إكتشفنا

إن المتهم طلع غبى معرفش حتى يصيب بسهم

يعنى هو ملهوش ذنب

 مين يا ترى دمع عينيها واتسبب لها بنزف من الجرح القديم

؟!!

مش عارفين

.....قرار .......

صدر الحكم ببراءة هذا المعتوه والحكم عليه بالتأبيده

لأنه معرفش يرمى السهم

 

أما المتهم الحقيقى اللى ما زال طليق 

طلع هو الزمن 

اللى موت حلم بنت بيتولد لانه بس معرفش يوصل لقلبها

بالطريق المختصر

اللى هو حتى أنا لسه معرفوش

........... نزّل يا ابنى الستار ........

المسرحيه إنتهت

                                   
                                                 
                                                                                                                           إلهام عزت