الثلاثاء، 16 يوليو 2013

حد الجدااااار





ياقلب ليه جواك قصص   

حزن وبكا ما ينتهيش 

جواك حنين للطيبين 

جواك أمل

جواك ألم  

وحاجات كتيير متعلقه 

ف حبل السكات

جواك بيوت

ساكنينها ناس

قافلين بيبانها بالجمود

طال الأمد

فاق الحدود

كبر الجدار

والعنكبوت

عشش على كل القصص

هب الطير

كسر القفص

عدا الحدود الضيقه

ساعة ما دار جوه المدار

وقف النفس

يا قلبى ليه خايف قوى

كان لك صديق

كان لك دفا

كان لك حدود 

كان لك سكن

مايتنسيش

كان لك هدف

يا ما نهيتك عنه 

أبدا  

 ما بتتنهيش    




                                     إلهام عزت

ليست هناك تعليقات:

إرسال تعليق