عادى تكون مش فاهم حاجه
وتسكت
عادى تلاقى مكالمه كل كاااااااام يوم
بدايتها ماتزعليش منى ونهايتها هتعرفى لما أحكيلك
وإنت نظرة الإزبهلال ماليه ملامحك
عادى تجيلك مكالمه بدون معنى من حد أصلا مش المفروض يتصل بيك
ولا المفروض أصلا إنه يعرف رقمك
الحد ده وبمنتهى منتهى البساطه وإنت لسه مزبهل عادى يعنى
يديلك أمر مباشر بقطع علاقتك بحد من أصحابك
على فكره نبرة الصوت فيها حتة تهديد
ألاّ هو ممكن يعمل ايه يعنى ؟!!!
مش مهم
المهم بأه
الجبروووووووووووووت اللى يتصرف بيه من بعدها
وإنه يظهر قدامك تانى وكإن مافيش حاجه حصلت
هو المفروض تتعامل إزاى وقتها ؟!!
أهلا أهلا وكدا ولا الوش الجبس ؟
مااااااااااااا علينا ويستمر المسلسل اللى مش فاهمه منه ولا حلقه
لكنى أكيده من إنتظارى للحلقه الأخيره علشان أطفى التليفزيون
وأرتاح وأنام بأه دى بقت حاجه تقرف
يالا تصبحوا على خير
إلهام عزت
ليست هناك تعليقات:
إرسال تعليق